WHOyê li seranserê cîhanê rewsa awarte ragihand

PeyamaKurd - Rêxistina Tendirustiya Cîhanê (WHO) piştî civîna taybet ji bo berengarbûna vîrusa koronayê, li seranserê cîhanê rewşa awarte ragihand.

Îro roja pêncşemê 30.01.2020an Rêxistina WHOyê derbarê belavbûna vîrusa koronayê daxuyaniyek belav kir û ji bo berengarbûna wê vîrusê, ‘rewşa awarte ya navdewletî’ ragihand.

Herwiha li gor WHOyê li cihanê heta niha li derveyî Çînê ti kes ji ber vîrusa koronayê nemiriye ku ew vîrus li 23 welatan belav bûye.

Hejmara kesên jiber vîrusa korona jîyana xwe ji dest dane bûye 170 kes. Rayedarên Tendirustiyê yên Çînê radigihînin ku vîrusa korona ketiye canê 7 hezar 711 kesî û 81 hezar kes jî ji ber gumana wê nexweşîyê di bin çavdêrîyê de ne.