Rojhilata Navîn

Şera bo ENKSê: Mafên kurdan dê bên garantîkirin

03 sibat 2026 18:02

Şandeyek ji Encûmena Niştimanî ya Kurdî li Sûriyê (ENKS) îro li Dîmeşqê bi Serokomarê demkî yê Sûriyê Ehmed Şera re hevdîtin kir.

Şera bo ENKSê: Mafên kurdan dê bên garantîkirin
ENKS bi Ehmed Şera re civiya
Nivîskar: editor2

RûpelNews- Derbarê hevdîtinê de daxuyaniyek li ser hesabê Xê yê Serokomariya Sûriyê hate weşandin.

Di daxuyaniyê de wiha hat gotin:

"Serok Ahmed Şera îro li Qesra Gel a li Dîmeşqê bi şandeyeke Encûmena Niştimanî ya Kurdî re hevdîtin kir û israra dewletê ya ji bo garantîkirina mafên welatiyên kurd di çarçoveya destûrê de piştrast kir."

Hat destnîşankirin ku şanda ENKSê pêşwazî li Biryarnameya Serokatiyê ya Hejmar 13 kiriye û ew wek gaveke girîng a ber bi xurtkirina maf û parastina taybetmendiya çandî û civakî ve nirxandiye.

Şanda Desteya Serokatiyê ya ENKSê, ku duh li ser vexwendina fermî ya hikûmeta Sûriyê çûbû Dimeşqê, bi Wezîrê Derve Şeybanî re hevdîtin kiribû.