Prensîbên Weşenandinê
Prensîbên Weşanê
Rojkarîkirina dawî: 15.08.2026
Em Kî ne, Em Çi Dikin?
RûpelNews platformeke nûçeyan a dîjîtal e ku bi nêrîneke navendî ya Kurdistanê, ji bo hemû xwendevanên ku bi Kurdî û Tirkî dizanin, weşan dike. Em pêşketinên diyaspora Kurd, bi taybetî yên li Ewropayê, ji nêz ve dişopînin; pêşketinên ji Kurdistan û herêmê digihînin xwendevanên xwe yên li Ewropayê, û pêşketinên ji Ewropayê jî digihînin xwendevanên xwe yên li Kurdistan û Tirkiyeyê. Em rêberiyê didin xwendevanên xwe yên ku li Ewropayê, bi taybetî li Almanyayê, li ser rêya entegrasyonê ne û dengê wan bilind dikin.
Armanca me ne tenê ew e ku em bibin malpereke nûçeyan; em dixwazin di pêşketinên Kurdistan û herêmê de bibin çavkaniyeke pêbawer ku navendên medyaya biyanî jî lê bigerin.
Helwesta Me
Em ne bêalî ne, em li aliyê rastiyê ne.
Em têgihiştina weşanê ya ku di bin navê bêalîtiyê de rastiyê av dike, li xwe nakin rêber. Em ne amûrê propagandaya tu kesî ne; em armanc dikin ku bibin mecrayeke ji hizbayetiyê wêdetir, ku bikaribe bibêje "rastî çi be ew e".
Her çend em nikaribin bi her kesî re dost bin jî, em ne dijminê tu kesî ne. Em ji rêya ku em rast dibînin diçin pêş, lê em rêz li rastiyên yên din jî digirin. Deriyê me ji bo her kesê ku ne dijminê Kurdan û berjewendiyên Kurdan e, vekirî ye; li dijî tu kesê ku bi meseleya Kurd re empatiyê dike, pêşdaraziya me nîne. Em vekirî ne li hember rexneya ku heqaret tê de nîne, û em li benda pêşniyarên ku dê alîkariya pêşxistina malpera me bikin, ne. Hêza xwe em ji xwendevanên xwe digirin û ji wan hez dikin. Em li benda wê ne ku ew me rexne bikin û bibin beşdarê mezinbûna me.
Rastî û Piştrastkirin
Her nûçe, berî ku were weşandin, ji pêvajoyeke piştrastkirinê derbas dibe. Ji naverokên bê çavkanî, ji sernavên manîpulatîf û ji tevlihevîya agahiyê cîh li ser vê platformê nîne. Em tu carî keda kesekî din bi navê xwe nîşan nadin; nîşandana çavkaniyê wek deynekî dibînin û her gav rêzê li xwediyê resen ê nûçeyê digirin.
Cudakirina Nûçe û Şîroveyê
Em bêyî ku nûçe û şîroveyan tevlihev bikin, rastiyê bi awayekî vekirî derdixin holê. Gotar û naverokên bi îmza nêrînên kesane yên nivîskarên xwe nîşan didin; dibe ku nêrîna edîtoryal a RûpelNews temsîl nekin.
Siyaseta Çewtî û Rastkirinê
Heke di nûçeyekê ya hatî weşandin de çewtî were dîtin, weşana wê nûçeyê tavilê tê rawestandin. Dema rastî derdikeve holê, tê diyarkirin ku agahiyeke çewt hatiye dayîn û bi agahiya rast ve tê rojane kirin û ji nû ve tê weşandin. Heke ji ber vê çewtiyê mafên kesan an saziyan hatibin binpêkirin, li gorî siyaseta weşana me em lêborînê dixwazin.
Rêzgirtina Nehenîbûnê
Her çend hin çavkanî nasnameya zarokên mexdûr veneşartibin û ev jî bibe sedema êşê, em nabin beşek ji vê yekê. Ji bo parastina mafên zarokên mexdûr, nasnameya wan di her rewşê de tê veşartin.
Rojnamegeriya Beşdar
RûpelNews platformeke weşanê ya beşdar e. Bi rêya Xeta Îhbara WhatsApp'ê (+49 176 82331155) ya li ser rûpela me ya sereke, xwendevanên me dikarin pêşketinên ku li qadê şahidê wan bûne, bi agahî û wêneyên piştrastkirî ji me re bişînin. Nûçe tenê ji navendekê nayê nivîsandin; ji meydanê jî tê. Xwendevanê ku dixwaze dikare çîroka bûyerê bi xwe bidomîne, an jî berdewamiyê ji edîtorên me yên xwedî ezmûn re bihêle; li gorî daxwaza wî/wê, nûçe bi navê wî/wê an jî bênav tê weşandin.
Şîroveyên We Ji Bo Me Girîng in
Di bin her nûçeyekê de beşek ji bo şîroveyan vekirî ye. Heta ku dijûn û heqaret tê de nebin, hemû raman di çarçoveya azadiya ragihandinê de têne nirxandin û weşandin. Hebûna ramanên cuda ne lawazî ye, belkî hêz e.
Îtiraza We li ser Nûçeyekê Heye?
Ji bo îtiraz an gilîyên xwe yên li ser nûçeyeke hatî weşandin, hûn dikarin bi e-peyama info@rupelnews.com an jî bi Xeta Îhbara me ya WhatsApp'ê (+49 176 82331155) re têkevin têkiliyê. Ji ber ku bi rêya xeta WhatsApp'ê di hundirê çend deqeyan de bersiv tê dayîn, em vê rêyê pêşniyar dikin.
Serbixwebûn
Em biryarên xwe yên edîtoryal bi serbixwebûnê û tenê li gorî prensîbên ku li jor hatine ravekirin digirin.