Sîrwan Muhammed: Di projeyên xaniyan de jî serjimêrî hat kirin

PeyamaKurd – Alîkarê Wezîrê Plandanînê û Serokê Odeya Serjimariyê Sîrwan Muhammed diyar kir ku pêvajoya serjimêriyê di 17ê Mijdarê de destpê kiriye û ji bo qeydkirina malbatan agahiyê bi awayekî rast tomar bikin hewl didin.

Sîrwan Mihemed îro 20 Mijdarê di daxuyaniyekê de ji K24ê re ragihand ku proseya serjimêrî ber bi qonaxa duyem ve diçe û wan kariye ji sedî 90ê malbatên Herêma Kurdistanê tomar bikin û serjimêrî jî di projeyên xaniyan de hatiye kirin.

Muhammed diyar kir ku doh û pêr ji ber peyva bikarhêner di tabletên ku ekîban ji bo qeydê bi kar dianîn de gelek pirsgirêkên teknîkî derketin û di encama têkiliya bi Bexdayê re pirsgirêk hatin çareserkirin û wiha got: “Lê belê hin malbatan nekarîn. ji ber vê pirsgirêkê bêne qeyd kirin. Dê îro û sibe serjimarî berdewam bike û tomarkirin dê berdewam bike.”

Muhammed da zanîn ku ji ber pirsgirêkê wê ekîb xebatên qeydkirinê bidomînin û wiha got: "Ji bo tîmên jimartinê prosesa perwerdehiyê heye, piştî wê jî divê forma serjimêriya mezin bê dagirtin, wê nêzî 15 rojan bidome û wê pêvajo bê temam kirin."