Serokwezîr: Pirse û sersaxî li malbat û hevalên wî yên di Partiya Siyoî ya Kurdistanê û Iraqê dikim

PeyamaKurd – Serokwezîrê Herêma Kurdistanê Mesrûr Barzanî bi peyamekê sersaxî li malbat û Partiya Şiyoî ya Kurdistan û Iraqê kir û diyar kir: “Mamoste Kerîm Ehmed, serkirdeyekî niştimanperwer û têkoşer ê diyar û naskirî bû li Kurdistan û Iraqê.”

Serokwezîr Mesrûr Barzanî da zanîn: “Ji bo koça dawiyê ya mamoste Kerîm Ehmed, Sekreterê Giştî yê berê yê Partiya Şiyoî ya Kurdistanê, pirse û sersaxî li malbat û hevalên wî yên di di Partiya Şiyoî ya Kurdistanê û Iraqê dikim û hevbeşê xema wan im.”

Di berdewamiyê de eşkere kir: “Xwedêjêrazî mamoste Kerîm Ehmed, serkirdeyekî niştimanperwer û têkoşer ê diyar û naskirî bû li Kurdistan û Iraqê. Xwedayê mezin giyanê wî bi bihuştê şad bike û bîranîna wî her dem bi xêr.”