Şehîdketina Pêşmergeyan: Şahê Urdinê sersaxî li Serokwezîr da
Di êrişeke Îranê de şeş Pêşmergeyên Kurdistanê şehîd ketibûn û 30 jî birîndar bibûn. Ji raya giştî ya kurd û seranserê cîhanê gelek peyamên sersaxiyê hatin şandin. Şahê Urdinê jî ji ber şehîdbûna şeş Pêşmergeyan sersaxî ji Serokê Hikûmeta Herêma Kurdistanê Mesûr Barzanî re xwest.
RûpelNews - Şahê Urdinê Şah Ebdilayê Duyê, ji ber şehîdbûna şeş Pêşmergeyan û birîndarbûna hejmareke din a Pêşmergeyan di êrîşa bi mûşekan a Îranê de peyameke sersaxiyê ji Serokê Hikûmeta Herêma Kurdistanê Mesrûr Barzanî re şand.
Peyama Şahê Urdinê wiha ye:
Cenabê Mesrûr Barzanî Xudê biparêze, Serokwezîrê Herêma Kurdistana Iraqê:
Silavên Xudê li we bin,
Min bi xemgîniyeke zêde nûçeya şehîdbûna hejmareke Pêşmergeyan (Xudê jê razî be) û birîndarbûna hejmareke din jî ji ber du êrîşên bi mûşekan ên Îranê bihîst. Ez bi navê xwe û gel û hikûmeta Şanişîna Urdinê ji ber vê karesatê ji dil sersaxiyê ji we re dixwazim û ji Xudayê mezin dixwazim ku, canê wan bi behiştê şa bike û sebir û hedarê bide malbat û gelê Herêma Kurdistana Iraqê yê bira û ez ji birîndaran re jî çarebûneke bilez dixwazim.
Îna lîlah we îna îleyhî racîon.
Birayên we: Ebdilayê Duyê kurê Hisên / Şahê Şanişîna Urdinê - Eman
