Serokwezîr Barzanî sersaxî li malbata qurbaniyên qezayê kir

PeyamaKurd - Serokwezîrê Herêma Kurdistanê Mesrûr Barzanî, îro Çarşemê bi malbata qurbaniyên qezaya Derbendîxanê re ku 5 kesan can dabû re pêwendiyeke telefonî pêk anî.

Serokwezîr Mesrûr Barzanî di pêwendiya telefonî de sersaxî li Seyîd Heme Nasir kir ku duh di bûyereke xemgîn a trafîkê de li Derbendîxanê, 5 endamên malbata xwe ji dest dabû.

Mesrûr Barzanî hevxemiya xwe gihande malbatê û hêvî xwest ku Xwedayê mezin giyanê wan bi bihuştê şad bike û sebr û aramiyê bide malbatê.

Seyîd Heme Nasir jî li ser navê malbata xwe, ji bo nîşandana hevxemiyê spasiya Serokwezîrê Herêma Kurdistanê Mesrûr Barzanî kir.