Hakan Fîdan sersaxî li Serokwezîr Mesrûr Barzanî da
Wezîrê Derve yê Tirkiyeyê Hakan Fîdan sersaxiyên xwe ji Serokwezîr Mesrûr Barzanî re ragihand.
RûpelNews - Li gorî daxuyaniyek ji Hikûmeta Herêma Kurdistanê, Hakan Fîdan îro bi telefonê bi Serokwezîr Mesrûr Barzanî re axivî û ji bo şeş Pêşmergeyên ku di êrîşa Îranê de şehîd bibûn, li ser navê welatê xwe sersaxî xwest.
Fîdan xemgîniya Tirkiyeyê derbarê bûyerê de anî ziman û ji birîndaran re şîfa xwest.
Serokwezîr Mesrûr Barzanî jî spasiyên xwe pêşkêşî Hakan Fîdan kir.
Di êrîşa ku Îranê vê sibehê bi mûşeka balîstîkî pêk anî de, şeş Pêşmerge şehîd bûn û 20 Pêşmerge jî birîndar bûn.
