Kurdistan | Hejmareke rekor a pêketinên koronayê hat tomarkirin

PeyamaKurd - Wezareta Tenduristiyê ya Herêma Kurdistanê ragihand ku di nav 24 demjimêrên borî de 541 kesên bi vîrûsa koronayê (Covid-19) ketine ku ev hejmara herî bilind a rojekê ye.

Di daxuyaniya îro Çarşemê ya Wezareta Tenduristiyê de hat eşkerekirin ku di 24 demjimêrên borî de 541 kes bi vîrûsa koronayê ketine ku 223 kes li Hewlêrê, 133 kes li Silêmaniyê, 169 kes li Duhokê, 9 kes li Germiyanê û 7 kes jî li Raperînê ne.

Hat diyarkirin ku di nav 24 demjimêran de 3 kesan jiyana xwe ji dest daye û 208 kes jî baş bûne.

Bi van amarên dawî re li Herêma Kurdistanê hejmara pêketinên koronayê gihîşt 113104 kesan, ya mirinan bû 3568 kes û heta niha 105683 nexweş jî baş bûne.