Aktaş: Ocalan li Rojhilata Navîn fikra avakirina Kurdistanê red kir
Veysî Aktaş diyar kir ku Abdullah Ocalan geşedanên li Rojhilata Navîn wekî 'Proto-Îsraîl' û “Post-Îsraîl' nirxandiye û got ku, Ocalan red kir ku ji b parasina Îsraîlê dewleta Kurdistanê were avakirin. Aktaş got ku pirsgirêka kurd ne tenê mijareke navxweyî ya Tirkiyeyê ye, lê belê aliyên wê yên herêmî û cîhanî jî hene.
RûpelNews - Endamên Şandeyê Îmralî ya DEM Partiyê Pervîn Buldan û Faîk Ozgur Erol, li gel Veysî Aktaş li Otela İstanbol Taksîmê bi rojnamevanan re civiyan da ku qonaxa heyî ya pêvajoyê nîqaş bikin.
Komîteya payebilind dê di 24ê Tebaxê de bicive
Li gorî agahiyên ku ji aliyê Buldan ve hatin dayîn, dê komîteyeke payebilind di bin serokatiya Cîgirê Serok Cevdet Yilmaz de were avakirin. Tê plankirin ku di komîteyê de Wezîrên Dadê, Karên Navxweyî, Karên Derve û Parastina Neteweyî, her wiha Serokê Rêxistina Îstixbarata Neteweyî (MÎT), Îbrahîm Kalin, cih bigirin.
Komîteyeke "Bêçekkirin û Siyasîkirinê", ku sivîl tê de cih nagirin, dê di bin vê konseyê de were damezrandin. Buldan diyar kir ku dê serokatiya vê komîteyê ji aliyê Ocalan ve were kirin û ku dê karbidestên dewletê tê de cih bigirin.
Pêşniyara komîteyeke çavdêriyê li Parlamentoyê
Buldan her wiha banga avakirina komîteyeke çavdêriyê li Meclîsa Mezin a Neteweyî ya Tirkiyeyê (TBMM) kir ku tê de hemû partiyên siyasî bên temsîlkirin. Wê anî ziman ku komîte, ku dikare ji her partiyekê endamek an du endamên parlamentoyê li xwe bigire, dê bibe alîkar ji bo misogerkirina ku pêvajo bi awayekî şefaftir were meşandin.
"Pêvajo li ser banga Bahçeli dest pê kir"
Derbarê destpêkirina pêvajoyê de Buldan diyar kir ku wê piştî bangên Serokê MHPê Devlet Bahçeli dest pê kiriye.
Veysî Aktaş jî her wiha got ku, beriya daxuyaniya Bahçelî ya di Cotmeha 2024an de, di navbera dewlet û Ocalan de li Îmraliyê ti danûstandin çênebûne. Aktaş diyar kir ku ew guhertina cihê odeya girtîgeha Ocalan a di sala 2023an de wek nîşaneke hin însiyatîfên di nav dewletê de dibîne ku hewl didin pêvajoyê bixin meriyetê.
Berdayîn û biryarên Dadgeha Mafên Mirovan a Ewropayê
Buldanê got ku di hevdîtina wan a bi Serokomarê Tirkiyeyê Recep Tayyîp Erdogan re, wan mijara cîbicîkirina biryarên Dadgeha Mafên Mirovan a Ewropayê û Dadgeha Destûrî yên derbarê rewşa Selahattîn Demîrtaş, Fîgen Yuksekdag û girtiyên din ên siyasî de, anîne rojevê.
Buldanê destnîşan kir ku, li gorî daxuyaniyên rayedarên dewletê, wan nirxandibû ku ev biryar dê werin çareserkirin piştî ku pêvajoya 'verastkirin û diyarkirinê' pêş bikeve.
Buldanê diyar kir ku ew hewl didin da ku serdanên ji bo Îmraliyê ne tenê ji aliyê rojnamevanan ve, lê herwiha ji aliyê akademîsyen, rêxistinên jinan û rêxistinên civaka sivîl ve jî hêsan bikin; lêbelê, wê lê zêde kir ku ji bo serdanên wiha hîn tu bernameyeke teqez nehatiye amadekirin.
"Divê Kurd û dewlet hevdu nas bikin"
Veysî Aktaş parast ku pêvajo divê di heman demê de xurtkirina pozîsyona kurdan di nav mekanîzmayên yasayî û dewletî de jî li xwe bigire.
Aktaşê tekezî li ser pêwîstiya entegrasyona demokratîk kir û got, "Divê kurd dewletê nas bikin, û divê dewlet jî kurdan nas bike." Aktaş, ku destnîşan kir ku pirsgirêka urd tenê bi siyaseta navxweyî ya Tirkiyeyê ve sînordar nîne, got ku pirsgirêk xwedî aliyên herêmî û cîhanî ye.
Aktaş: "Pirsgirêka kurd pirsgirêkeke herêmî û cîhanî ye"
Aktaş, ku amaje pê kir ku çareseriyeke ji bo pirsgirêka kurd tenê bi gavên ku ji aliyê Tirkiyeyê ve tên avêtin nayê bidestxistin, diyar kir ku gelek aktor di geşedanên Rojhilata Navîn de rolekê dilîzin.
Aktaş diyar kir ku eger Tirkiye di çareserkirina pirsgirêkê de bisernekeve, dibe ku hêzên cuda bikevin dewrê û ku geşedanên herêmî yên dawî di destpêkirina pêvajoyeke nû ya çareseriyê de rolek lîstine.
"Kurdistan ji bo hebûna Îsraîlê pêwîst e"
Aktaş ragihand ku Ocalan geşedanên li Rojhilata Navîn di çarçoveyeke du-qonaxî de nirxandine: "Proto-Îsraîl" û "Post-Îsraîl".
Li gorî vegotina Aktaş, tê bawer kirin ku di dema "Proto-Îsraîl" de, Tirkiyeyê di damezrandin û pejirandina Îsraîlê de li Rojhilata Navîn roleke girîng lîstiye. Aktaş parast ku, wekî beşek ji polîtîkayên Brîtanyayê yên li herêmê, kurd jî di nav hesabên stratejîk ên cihêreng de hatine bikaranîn.
Derbarê serdema ku wî wekî "Piştî-Îsraîl" pênase kir, Aktaş diyar kir ku Ocalan nirxandiye ku ji bo Îsraîl hebûna xwe li herêmê biparêze, Kurdistanek pêwîst e.
Lêbelê, Aktaş destnîşan kir ku Ocalan û PKK têgeheke neteweperest a netewe-dewletê qebûl nakin û ji ber vê yekê ev nêzîkatî red dikin.
Aktaş got ku pirsgirêka kurd tenê bi mercekî têkiliyên Tirkiye-Îsraîl nayê fêmkirin, û divê polîtîkayên Brîtanya, Îsraîl, Tirkiye û aktorên din ên herêmî bi awayekî kolektîf bên nirxandin.
Serdana Mazlum Abdî ya ji bo Îmraliyê
Aktaş her wiha li ser îhtimala ku Mazlûm Ebdî yê ku Fermandarê Giştî yê Hêzên Demokratîk ên Sûriyê (HSD), biçe Tirkiyeyê ji bo hevdîtina bi Ocalan re, axivî.
Aktaş, ku destnîşan kir her du aliyan daxwazeke wiha anîbûn ziman, got ku ev yek girêdayî pêşketina pêvajoya li Tirkiyeyê ye. Aktaş diyar kir ku eger pêvajo bi awayekî erênî bi pêş bikeve, serdana Ebdî ya ji bo Tirkiyeyê jî dikare hêsantir bibe.
Erol: Rola Ocalan dê çavdêriya pêvajoya teslîmkirinê be
Faîk Ozgur Erol, parêzerê Ocalan, di nirxandina xwe ya li ser erkên komîteyê de got ku rola sereke ya Ocalan dê ew be ku aliyê pabendbûnê yê pêvajoya teslîmkirinê bigire ser xwe û beşdarî rêveberiya wê bibe.
Erol diyar kir ku pêvajo dê tenê bi rêya rêziknameyên yasayî pêş nekeve û ku herwiha avakirina bawerî û metiqandinê di navbera aliyan de jî girîng e.
Erol, ku amaje pê kir ku dozên li ser Akademîsyenên ji bo Aştiyê, mamoste û karmendên dewletê jî dikarin di nav vê çarçoveyê de bên nirxandin, got ku qanûn dikare di pêşerojê de bibe bingeha rêziknameyên li ser van mijaran.
Erol her wiha tekez kir ku bidawîbûna têkoşîna çekdarî ne tê wateya bidawîbûna têkoşîna siyasî ye, û ku têkoşîna siyasî dê li ser bingeheke demokratîk berdewam bike.
