Wezareta Elektirîka Kurdistanê: Sê santralên elektirîkê dîsa tên aktîfkirin

PeyamaKurd – Wezareta Elektirîka Kurdistanê diyar kir, sê santralên elektirîkê ku ji ber nebûna sotemeniyê hatibûn sekinandin, dîsa tên aktîfkirin.

Wezareta Elektirîka Kurdistanê eşkere kiriye, santralên 29 MW yên Silêmanî, Hewlêr û Duhokê dîsa tên aktîfkirin.

Herwiha Wezaretê daye zanîn, santralên han ku sala 2001 ji aliyê şîrketeka Almanî ve hatibûn çêkirin, sala 2015 ji ber nebûna sotemeniyê hatibûn sekinandin.

Li gorî zanyariyên Wezaretê, ev demek bû şîrketa Bindêr mijûlî aktîfkirina wan santralan bû. Ew xebat xelas bûne û wê di demek nêzîk de bên aktîfkirin.