Wezareta Elektirîka Kurdistanê dixwaze elektirîkê bide sektorên taybet

PeyamaKurd - Wezareta elektirîka Kurdistanê ragihand, ew dixwazin karûbarên elektirîkê bidin sektorên taybet.

Berdevkê wezareta elektirîka Kurdistanê, Umêd Ehmed ji malpera fermî ya PDKê re gotiye, wan projeyek amade kirine da ku elektirîkê bidin sektora taybet.

Umêd Ehmed her wiha daye zanîn, ew piroje niha li ber destê encumena wezîran e.

Her gava encumen pesend bike dê elektirîk teslîmî sektora taybet were kirin.

Bi gotina berdevkê wezareta elektirîkê, eger elektirîk di destê sektora taybet de be, welatî jî dê hişyartir bikar bînin û elektirîk jî zêde heder naçe.