Tirkiye: Leskerekî me li nav axa Herêma Kurdistanê hat kustin

PeyamaKurd – Wezareta Berevaniyê ya Tirkiyê diyar kir, li navçeya “Operasyona Pençe-Kilîd” a di nav axa Herêma Kurdistanê de leşkerekî wan miriye.

Li gor daxuyaniya Wezareta Berevaniyê ya Tirkiyê, do li navçeya “Operasyona Pençe-Kilîd” a li nav axa Herêma Kurdistanê leşkerê wan yê bi navê Enes Kirmizikoç di encama lêketina baskê helîkopterê de bi giranî birîndar bûye.

Wezaretê eşkere kir, Kirmizikoç rakirine nexweşxaneyê lê li nexweşxaneyê tevî hemû hewldanan miriye.

Artêşa Tirkiyê roja 17ê Nîsana 2022an li navçeyên Zap, Avaşîn û Metîna yên di nav axa Başûrê Kurdistanê de bi hinceta PKKê dest bi operasyona bi navê Pençe-Kilîd kiriye.