Tirk îdîa dikin ku 10 Kurd li Rojava kustine

PeyamaKurd - Artêşa Tirkan ragihand ku Herêma Kobaniyê Rojavayê Kurdistanê, ji Bakurê Kurdistanê Şanliurfayê bi obusan hat bombekirin û di bombekirinê de 10 Kurdê PYDyî hatine kuştin.

Li gor agahiyên çavkaniyên Artêşa Tirkiyeyê herêma Kobaniya Rojavayê Kurdistanê bi bateryayên obusan bombe kirin.

Tirkiye îdîa dike ku wan cewab daye êrişên Kurdên Rojava û heqê xwe yê parastinê bikar aniye. Wek tê zanîn ev demeke dirêj e ku Tirk dibêjin ew dê êrişî Rojhilatê Firatê bikin û cihên di destên Kurdan de îşxal bikin.