Serokwezîr Mesrûr Barzani pêşwaziya Konsulê Giştî yê Tirkiyê li Hewlêrê kir
Di hevdîtina Serokwezîr Mesrûr Barzani û Konsulê Giştî yê Tirkiyê li Hewlêrê Erman Topçu de, peyama ku hat dayîn gotin "divê şerê herêmî bi dawî bibe."
RûpelNews - Serokwezîrê Hikûmeta Herêma Kurdistanê Mesrûr Barzani îro pêşwaziya Konsulê Giştî yê Tirkiyeyê li Hewlêrê Erman Topçu kir.
Di hevdîtinê de, ku li paytexta Hewlêrê pêk hat, rewşa Herêma Kurdistanê û Iraqê, rewşa giştî ya herêmê ji ber şerê di navbera Amerîka, Îsraîl û Îranê de û têkiliyên dualî hatin nîqaşkirin.
Li gorî daxuyaniya Hikûmeta Herêma Kurdistanê, di hevdîtinê de girîngiya têkiliyên di navbera Tirkiye û Herêma Kurdistanê de hat teqez kirin.
Serokwezîr Mesûd Barzani û Konsulê Giştî Topçu diyar kirin ku pêşxistina hevkariyê di warên cûda de, bi taybetî di aborî û bazirganiyê de, dê di berjewendiya her du aliyan de be.
Di civînê de behsa aştîyê hat kirin
Di civînê de li ser alozî û krîza ewlehîyê ya ku ji ber şerê di navbera Amerîka, Îsraîl û Îranê de herêmê dihejîne, hat axaftin û hat gotin ku mijara herî girîng a rojevê "aştî" ye.
Her du alîyan jî teqez kirin ku pêwîst e şer û alozîya berdewam a li herêmê di zûtirîn dem de bi dawî bibe û girîngiya hewildanên dîplomatîk ji bo avakirina aştî, aramî û ewlehîya mayînde destnîşan kirin.
