Qesra Sîrin | Rejîma Îranê Kolberekî Kurd qetil kir

01 adar 2025 15:14

PeyamaKurd – Rejîma Îranê li Qesra Şîrîna Rojhilatê Kurdistanê kolberê Kurd Şehnam Zahirînijad kir hedef û qetil kir.

Hat ragihandin ku kolberê ciwan ê ji Gundê Serpêla Zehawê yê Qesra Şîrînê, di encama gullereşandina rasterast a çekdarên Îranê de li ser sînorê Qesra Şîrînê ya Kirmaşanê hatiye qetilkirin.

Saziya Mafê Mirov a Hengawê ragihand ku duh şeveqê, roja Înê, 28ê Şibata 2025an, Şehnam Zahirînijad, (35) yê ji Gundê Serpêla Zehawê yê Qesra Şîrînê ji aliyê çekdarên rejîmê ve bûye hedef û hatiye qetilkirin.

Li gorî çavkaniyeke agahdar, Şehnam Zahirînijad zewicî û bavê 3 zarokan bûye. Hat ragihandin ku ew Yarsan bûye.