PWK: Êrîşa terorî ya Îranê berdewama êrîşên berê yên terorî ye
Partiya Welatparêzên Kurdistanê êrîşa Îranê ya li ser ofîsa Serokwezîr Barzanî şermezar kir û diyar kir ku ev êrîş beşeke ji êrîşên berê yên terorî ye.
RûpelNews - Partiya Welatparêzên Kurdistanê (PWK) derbarê êrîşa li ser ofîsa Serokwezîr Mesrûr Barzanî û ya ku ji aliyê Îranê ve bi drone hat kirin daxuyaniyeke nivîskî belav kir.
PWK di daxuyaniya xwe de got: "Em êrîşa terorî ya li ser ofîsa Serokwezîrê Herêma Kurdistanê şermezar dikin. Dewleta Îranê û hêzên terorî yên bi wê ve girêdayî heta nuha bi fuze û dronan bi sedan êrîş birine ser Herêma Kurdistanê. Ev êrîş jî beşeke ji van êrîşên terorî ye."
Di daxuyaniyê de hat destnîşnakirin ku ev êrîş û tehdîteke li ser serwerîya Herêma Kurdistanê û banga yekîtiyê li kurdan hatin kirin: "Bersîva herî mezin ewe ku hemû partîyên Başûrê Kurdistanê, demildest Hikûmeteke Yekgirtî ya Herêma Kurdistanê ava bikin û dezgehên pêşmerge, aborî,ewlekarî, îdarî, dîplomasîyê bikin yek."
Çi bibû?
Dijîterora Herêma Kurdistanê ragehand ku roja 17ê Tebaxa 2026an di demjimêr 00:28an de bi 2 dronên bombebarkirî yên "Hedîd-110", ji aliyê sînorê Îranê ve êrîş li Ofîsa Taybet a Serokwezîrê Herêma Kurdistanê û cihê mayînê yê Berpirsê Ajansa Parastinê yê li navçeya Pîrmamê ya Hewlêrê hat kirin. Hat diyarkirin ku di êrişê de zererên canî çênebûne.
