Pasdarên Îranê: Êrîşa li dijî mala Nêçîrvan Barzani kiryarek terorîst e
Pasdaran êrîşa li ser mala Nêçîrvan Barzani li Duhokê wekî kiryarek terorîst bi nav kir û Amerîka û Îsraîl sûcdar kir.
RûpelNews - Pasdaran êrîşa li ser mala Serokê Herêma Kurdistanê Nêçîrvan Barzani li Duhokê wekî "kiryarek terorîst" bi nav kir.
Di daxuyaniyekê de ku ji aliyê Yekîneya Têkiliyên Giştî ve hat weşandin, hat îdiakirin ku êrîş delîlên çalakiyên terorîstî yên dijminan e.
Di daxuyaniyê de hat gotin, "Êrîşa bi droneyan li ser mala Serokê Herêma Kurdistanê nîşaneya çalakiyên terorîstî yên dijminên êrîşkar e. Me ev rêbaz berê di kuştina berpirsên payebilind ên Îranî û gelê me yê bêguneh ji aliyê artêşên terorîst ên Amerîka û Siyonîzmê ve dîtiye."
Pasdaran diyar kir ku armanc ew e ku êrîş aştî, aramî û hevkariya herêmî di navbera Herêma Kurdistanê û welatên cîran de têk bibe.
Her wiha di daxuyaniyê de li ser amadebûna ji bo hevkariya ewlehiyê bi welatên herêmê re jî hate sekinandin û wiha hate gotin:
"Parêzvanên Şoreşê vê êrîşa terorîstî şermezar dikin û amadebûna xwe ji bo avakirina mertalek parastinê ya hevbeş li dijî şerxwaziya artêşa Amerîkî û rejîma Siyonîst li herêmê û parastina ewlehiya cîranên xwe diyar dikin."
