Amerîka: Pêla êrîşan a li dijî Îranê bi dawî bû
Fermandariya Navendî ya Dewletên Yekbûyî yên Amerîkayê (CENTCOM) ragihand ku rêze-êrîşên şeş-rojî yên li dijî Îranê bi dawî bûne. Di daxuyaniyê de hat destnîşankirin ku di dema operasyonan de armancên leşkerî yên Îranê hatine lêdan.
RûpelNews - Fermandariya Navendî ya DYAyê (CENTCOM) ragihand ku pêla şeş-rojî ya êrîşên bênavber ên li dijî Îranê bi dawî bûye.
Di daxuyaniyeke nivîskî de, CENTCOM'ê diyar kir: "Pêla dawî ya mezin a êrîşan a ku di saet 21:40an de li gorî dema Rojhilatê ya DYAyê (04:40 dema Tirkiyeyê) li dijî Îranê hatibû destpêkirin, temam bûye."
Hat ragihandin ku armancên leşkerî hatine lêdan
Di daxuyaniyê de hat ragihandin ku, wekî beşek ji operasyonan, hedefên têkildarî çavdêriya peravê û pozîsyonên parastina hewayî yên Îranê, binesaziya lojîstîk a leşkerî û kapasîteyên deryayî bi bikaranîna balafirên şer, firokeyên bêmirov û keştiyên şer hatine lêdan.
CENTCOMê diyar kir ku ev operasyon şeşemîn êrîşa şevê ya li pey hev a li dijî Îranê bû. Her wiha hat ragihandin ku zêdetirî 50 hezar leşkerên Amerîkî li Rojhilata Navîn bi cih bûne.
Armancên li Îranê hatin eşkerekirin
CENTCOMê duh saet di 21:00an de bi dema herêmî ragihandibû ku pêleke nû ya êrîşên hewayî li dijî Îranê hatiye destpêkirin.
Di heman demê de, çapemeniya Îranê ragihand ku êrîşan Balafirgeha Îranşehir, bajarokê Hemîdiye û pira li Bandar Ebbasê kirine armanc.
