Polîsê li Batmanê dixebite li ber çavê jin û zarokên dijminê xwe ew kust

PeyamaKurd – Polîs R.K.yê ku li Batmanê dixebitî li bajarê xwe Kirşehîra ku bi destûr çûyê, dijminê xwe Serhat Aydemîr bi 7 guleyan li ber çavê hevjîn û 2 zarokên wî qetil kir. R.K., piştî cînayetê telefonî hevalên xwe kir û got, "Min kesek kuşt, ez dixwazim teslîm bibim."

Bûyer di derdora seat 19.30an de li avahiya Emre ya li ser kolana 56emîn a Taxa Medrese ya navenda bajêr pêk hat. Polîs R.K.yê ku li Batmanê dixebitî, destûr girt û ji bo bi Serhat Aydemîrê ku di navbera wî de neyartiya wî hebû re hevdîtinê pêk bîne, destûr girt û çû Kirşehîrê.

Hat îdiakirin ku R.K hat mala Serhat Aydemîr zengil lêxist û got, "Polîs derî veke." R.K. Li ser vê yekê Aydemîrê ku derî vekir, li ber çavê hevjîn û zarokên wî 7 caran gulebaran kir. Dema Aydemîr di nava xwînê de ket erdê, yên li malê ji tirs û xofê qîriyan.

Piştî bûyerê R.K bi telefonê li hevalên xwe geriyaye û bi xwe gotiye, “Min kesek kuşt, ez dixwazim teslîm bibim”. Li ser vê yekê ekîbên polîs û tenduristiyê sewqî cihê bûyerê hatin kirin.

Di kontrola midûrê tenduristiyê de hat tespîtkirin ku Aydemîr miriye. Cenazeyê Aydemîr ji bo otopsiyê rakirin Nexweşxaneya Perwerde û Lêkolînê ya Kirşehîrê.

Gumanbarê kuştinê R.K. ji aliyê hevalên xwe ve hat desteserkirin. Derbarê bûyerê de lêpirsîn hat destpêkirin.