Parlamentoya Libyayê rêkeftina Erdogan û Serac red kir

PeyamaKurd – Parlamentoya Libyayê rêkeftina leşkerî ya ku di navbera hikûmeta Wîfaq a Fayez Serac û Tirkiyê de hatiye îmzekirin red kir.

Li Libyaya ku du rêveberiyên cuda hene û parlamentoya Libyayê ku piraniya wê piştevaniya hêzên Hafter dike, rêkeftina navbera Tirkiye û hikûmeta Wîfaq red kir.

Parlamentoyê herwiha Serokê hikûmeta Wîfaqê Fayez Serac jî bi xiyaneta li welat tawanbar kir.

Li aliyê din Parlamentoya Tirkiyê jî di çarçoveya wê rêkeftina hatiye redkirin de, biryara şandina leşkeran bo piştevaniya hikûmeta Wîfaq de derxistibû ku tezkereya leşkerî li parlamena Tirkiyê bi 325 dengên parlamenterên MHP-AKPê derbas bibû.