NY: Zêdetirî 800 hezar kesî ji herêma Îdlibê koç kirine

PeyamaKurd - Operasyona hêzên hikûmeta Sûriyê ya dijî serhildayên li herêma Îdlibê didome.

Buroya Alîkariya Mirovî ya Neteweyên Yekbûyî (OCHA) ragihand ku ji meha Berfanbarê vir ve zêdetirî 800 hezar kesî ji Îdlibê koç kirine.

Daneyên Neteweyên Yekbûyî (NY) nîşan didin ku di sê rojên dawî de bi qasî 140 hezar ji herêma Îdlibê koç kirine. Tê texmînkirin ku 60 ji sedê kesên ji herêmê derketine zarok in.

 Berdevkê OCHAyê David Swanson diyar kir rewşa li herêma Îdlibê bi hewaya sar jî zortir bûye û da zanîn ku sîvîl bo ku neyên ferqkirin zêdetir bi şev warên xwe diterikînin.