Nîhat Dogan: Ez dixwazim alîkariya birayên xwe yên Kurd ên Rojava bikim

PeyamaKurd – Nîhat Dogan da zanîn, ew dixwazin alîkariyê bidin erdhejzedeyên li Rojava û Sûriyeyê bi taybet li Efrînê. Dogan diyar kir, ji bo mexdûrên erdhejê yên li Tirkiyeyê jî alîkarî şandine.

Di dema ku sazî û rêxistinên navneteweyî û welat ji mexdûrên erdhejê re alîkariyê dişînin, gelek xêrxwaz hewl didin bi kampanyayên cuda piştgirî û alîkariyê bişînin.

Hunermend Nîhat Dogan ku li ser hesabê xwe yê medyaya civakî peyam parve kir got, “Ez dixwazim alîkariya xwişk û birayên me yên Kurd ên ku di erdheja li Sûriyeyê û bi taybet Efrîna Rojava de mexdûr bûne, bikim. Ma rêxistinên sivîl ên pêbawer, weqf, komele û hwd hene? Ez ê pir kêfxweş bibim ku hûn min agahdar bikin.”

Erdheja 7,7 heta 7,6 ku navenda wê Mereş bû di 6ê Sibatê de li Sûriye û Rojava û 10 parêzgehên Tirkiyê wêraniyeke mezin pêk anîbû. Di erdhejê de bi hezaran kesan jiyana xwe ji dest dan, bi deh hezaran kes jî bûn qurbanî.