Netanyahu li ser ‘lihevkirineke’ bi Îranê re daxuyanî da
Di daxuyaniyekê de derbarê rêkeftineke muhtemel a di navbera Îran û Amerîkayê de, Netanyahu got, "Em ê di her rêkeftinekê de berjewendiyên xwe yên girîng biparêzin."
RûpelNews - Di peyameke vîdyoyî de, Serokwezîrê Îsraîlê Benjamin Netanyahu behsa operasyonên li dijî Îran û Lubnanê kir û diyar kir ku di pêwendiya xwe ya bi Donald Trump re de, wan nîqaş kiriye ka çawa pêşketinên leşkerî dikarin rê li ber pêvajoyek dîplomatîk vekin.
Serokwezîrê Îsraîlê got ku Trump nirxandiye ku armancên şer dikarin bi rêkeftinekê piştî pêşketinên li ser erdê werin bidestxistin.
Netanyahu teqez kir ku her rêkeftineke muhtemel divê berjewendiyên ewlehiyê yên Îsraîlê di nav xwe de bigire, di heman demê de diyar kir ku operasyonên leşkerî berdewam dikin.
Di daxuyaniyê de hat destnîşankirin ku operasyonên li dijî bernameyên mûşekî û nukleerî yên Îranê berdewam dikin, her wiha çalakiyên li dijî Hizbullahê jî berdewam dikin.
Her wiha Netanyahu behsa pêşketinên dawî kir û diyar kir ku hin zanyarên nukleerî bûne hedef. Aliyê Îsraîlê diyar kir ku di vê pêvajoyê de hem destpêşxeriyên dîplomatîk û hem jî çalakiyên leşkerî di heman demê de têne kirin.
