Mesrûr Barzanî bi Konsula Brîtanyayê re civiya

PeyamaKurd - Serokwezîrê Herêma Kurdistanê Mesrûr Barzanî îro 25ê Îlonê li Hewlêrê, pêşwazî li Konsula Giştî ya Brîtanya li Herêma Kurdistanê Rosy Cave kir ku ji bo xatirxwestinê ev serdan kir.

Serokwezîr Mesrûr Barzanî, di civînê de bal kişand ser pêwendiyên dostane yên dûr û dirêj di navbera Herêma Kurdistanê û Brîtanyayê de û spasiya Konsula Giştî kir ku di heyama karê xwe de, kar ji bo pêşvebirin û bihêzkirina pêwendiyên dualî kir û hêviya serkeftinê di erkê wê yê paşerojê de jê re xwest.

Herwiha Konsula Giştî ya Brîtanyayê jî kêfxweşiyaxwe ji bo hêsankarî û hemahengiya aliyên peywendîdar ên Hikûmeta Herêma Kurdistanê ligel Konsulxaneya welatê xwe nîşan da.