Serokwezîr Mesrûr Barzanî û Erdogan civiyan

RûpelNews - Serokwezîr Mesrûr Barzanî û Serokomarê Tirkiyeyê Recep Tayyip Erdogan li Ofîsa Dolmabahçeyê civiyan.

Erdogan diyar kir ku ew ji ber hedefgirtina axa Iraqê, tevî Hewlêrê, di pevçûna di navbera DYA û Îranê de xemgîn in; ku Tirkiye naxwaze şer li welatên din ên herêmê belav bibe; û hevgirtina bi Hikûmeta Herêma Kurdistanê re dê di tevahiya vê pêvajoyê de berdewam bike.

Erdogan got, parastina aramiyê li Iraqê ji bo tevahiya herêmê krîtîk e û ku avakirina hikûmeteke navendî di zûtirîn dem de dê xizmeta yekîtî û hevgirtina Iraqê bike û tekez kir ku Tirkiye bi biryar e ku hevkariya xwe hem bi hikûmeta navendî ya Iraqê û hem jî bi Hikûmeta Herêma Kurdistanê re xurt bike. Wî lê zêde kir ku Tirkiye dê ji bo pêşxistina têkiliyan di gelek waran de, bi taybetî di warên bazirganî, veguhastin û enerjiyê de, dê di avêtina gavan de berdewam bin. Wî destnîşan kir ku pêkanîna "Projeya Korîdora Pêşketinê" dê ne tenê ji bo Iraqê, lê her weha ji bo herêma Kendavê jî feydeyên girîng bi xwe re bîne.

Erdogan her weha diyar kir ku ew bi biryar in serkeftina pêvajoya "Tirkiyeyeke Bê Teror" misoger bikin û ew hem li Tirkiyeyê hem jî li welatên cîran li aştî û aramiyê dixwazin.

Her wiha Wezîrê Derve Hakan Fîdan, Wezîrê Enerjî û Çavkaniyên Siruştî Alparslan Bayraktar, Wezîrê Parastina Neteweyî Yaşar Guler û Rêveberê MÎTê Îbrahîm Kalin jî beşdarî hevdîtinê bûn.