Li Tirkiye û Bakurê Kurdistanê 96 wefat û 20 hezar zêdetir pêketinên nû hatin tomarkirin

PeyamaKurd – Wezareta Tenduristiya Tirkiyê ragihand ku li Tirkiye û bajarên Bakurê Kurdistanê di nav 24 saetên borî de, 96 wefat û 20 hezar û 890 pêketiyên nû yên vîrusa koronayê hatin tomarkirin.

Wezaretê li ser helmeta derzîkirinê jî eşkere kir ku rêjeya kesên doza yekem li xwe dane bûye 66,11%, rêjeya doza duyem jî bûye 44,16%.

Herwiha hat diyarkirin ku bajarên rêjeya derzîlêdanê herî kêm e jî bajarên Îdir, Çewlig, Batman, Sêrt, Diyarbekir, Mûş, Bedlîs, Mêrdîn û Riha yên Bakurê Kurdistanê ne ku tenê bajarê Gumuşhane ji nav Tirkiyê rêjeya wê derzîlêdanê kêm e.