Berfê rêyên zêdetirî hezar gundên Bakurê Kurdistanê girt

PeyamaKurd – Ji ber barîna berfa zêde ku ji doh ve berdewam dike, li gelek gund û navçeyên bajarên bakurê Kurdistanê rê hatin girtin.

Li gorî zanyariyên berdest, li Mûş û Bidlîsê ji ber barîna berfa zêde rêya 154 cih û gundewaran hat girtin.

Li Mûşê qalindiya berfê derketiye 10 santîmetreyan û rêya 70 gundan jî hatiye girtin. Li bajarê Sêwazê jî ji ber berfê bi giştî rêya 906 gundan hatiye girtin. Li Bidlîsê jî barîna berfê didome û hejmarek rê hatine girtin.

Li navenda bajêr û li navçeya Geverê ya Colemêrgê ji şevê din ve berf dibare û ji ber mijê mesafeya dîtinê pir kêm bûye ku ji bo bûyerên nexwestî çênebin rayedaran hişyarî da xelkê û ajokaran.