Li Nîjeryayê 39 rehîne hatin rizgarkirin

PeyamaKurd – Li Nîjeryayê çeteyên çekdar 39 kesan revandibûn û wan dîl girtibûn. Niha ew 39 kes hatin rizgarkirin. Komîserê navxwe yê ewlekariyê yê eyaleta Kadûnayê Samuel Aruwan ragihand ku li ser rêya Kaduna-Zariayê li devera Igabiyê bi çeteyên çekdar re ketine şer.

Arûwan ragihand ku piştî bi çeteyan re şer kirine û operasyon bo ser çeteyan hatiye kirin 39 kesên ku piraniya wan zarok û jinnin hatine rizgarkirin.

Li Nîjeryayê gelek caran grûbên çeteyan xelkê direvînin û ji malbatên wan fîdye distînin.