Li Duhokê Kurdekî Êzidî hat kustin

PeyamaKurd – Li qezaya Sêmêlê ya Duhokê, bi sedema kêşeyeke civakî, çalakvanekî berbiçav ê Kurdê Êzdî, Şêx Paşa Mehmûd hat kuştin.

Berdevkê polîsê Duhokê, di derbarê sedema kuştina wî çalakvanî de da zanîn, berî salekê ji ber pirsgirêkeke civakî, teqe li Şêx Paşa hatiye kirin û fermana girtinê bo kujeran derçûye û lêkolîn li ser bûyerê berdewam in.

Şêx Paşa Mehmûd, bi Bavê Şingalê dihat naskirin, çalakvanekî diyar yê Kurdên Êzdî bû. Ji sala 2014an ve, ji ber êrîşa DAIŞê koçberî Duhokê bibû.

Bi rêya torên civakî û nîşandana keysên nexweş û hejaran, karîbû alîkariya zêdetir ji 250 kesî bike, zêdetir ji 500 Milyon Dînar alîkarî li ser nexweş û hejaran de belav kirine.