Ji Yekîtiya Ewropa berteka ewil bo qeyûman

PeyamaKurd – Raportorê Tirkiyê yê Yekîtiya Ewropayê Nacho Sanchez Amor, li ser danîna qeyûman bo şaredariyên Mêrdîn, Batman û Xelfetîyê yên Bakurê Kurdistanê ku di bin rêveberiya DEM Partiyê de bûn, bertek nîşan da.

Nacho Sanchez Amor got, "Divê Yekîtiya Ewropa bersiveke zelal bide.”

Amor, li ser hesabê xwe yê medya civakî Xê wiha nivîsî: "Niha dor hatiye şaredariyên Mêrdîn, Batman û Xelfetiyê ku DEM Partiyê bi rêjeyeke bilind qezenc kirine. Îdia her çi bin jî ev sîstema qeyûmê êrîşeke rasterast a hikûmeta Tirkiyê li dijî demokrasiyê ye. Xespkirina îradeya gel e û pêwîste YE bersiveke zelal bide vê.”

Partiya DEMê li ser tayîkirina qeyûman daxuyanî da!