Ji Tirkiyê daxuyaniya S-400an: Hevkariya me bi Rûsya re dewam dike

PeyamaKurd – Serokê Pîşesaziya Berevaniyê ya Tirkiyê Îsmaîl Demir ku Amerîkayê ji ber kirîna sîstemanên bervaniya asmanî yên rûsî S-400an dorpêç danîbû ser, derbarê nûçe û îdiayê şandina S-400ên Tirkiyê bo Ukraynayê daxuyanî da.

Li ser wan îdiayên ku dibêjin, 'Amerîkayê ji Tirkiyê daxwaz kir S-400ên xwe bide Ukraynayê’ Demir got, "Ev ji bo me ne mijara nîqaşê ye. Ev mijar berê hatiye gotûbêjkirin û niha em hevkariya xwe ya bi Federasyona Rûsya re berdewam dikin.”

Herwiha Demir daye zanîn ku pozîsyona Tirkiyê navbeynkariya bo aştiyê ya Ukrayna û Rûsyayê ye û niha jî vê dikin.