Ji Amerîkayê li Girê Spî dewriyeya leskerî

PeyamaKurd – Di demeke ku Tirkiye amadekariya êrîşa ser Rojhilatê Firatê û Rojavayê Kurdistanê dike de, hêzên Amerîkî di çarçoveya mekanîzmeya hevbeş a ewlekariyê de, bi 7 wesayîtên zirxî li Girê Spî (Tel Abyad) dewriyeya leşkerî gerandin.

Li gorî çavkaniyê herêmê, karwana hêzên Amerîkî ya ji 7 wesayîtên leşkerî pêk dihat, di dewriyeya xwe de çavderiya herêmên sînorên ligel Tirkiyê kir.

Hêjayî gotinê ye, ji sala 2015an di têkoşîna dijî DAIŞê de Amerîka û hevpeymaniya navdewletî piştgiriya HSDê dike. Amerîkayê heta niha 18 baregeh tevî bi qasî 2 hezar leşkerên xwe li Sûriye û Rojavayê Kurdistanê bicih kirine.