Îsraîl bi nirxê 400 milyon dolaran mosekên tanksavar difirose Yûnanistanê

PeyamaKurd – Hat ragihandin ku Yûnanistanê ji bo kirîna bi nirxê 400 milyon dolaran a çekên taknsavar bi Îsraîlê re peymanek îmze kir.

Wezîrê Berevaniya Îsraîlê Yoav Gallant, eşkere kir ku peymana ji bo firotina moşekên Spike ên tanksavar bi Yûnanistanê re hatiye îmze kirin û ev dê pêwendiyên herdu welatan hîn xurtir bike.

Îsraîl moşekên tanksavar ên Spike ku ji aliyê kompaniya dewleta Îsraîlê Rafael ve têne berhemanîn, difiroşe gelek welatên Ewropa û NATOyê ku ew çek gelekî tê bikaranîn.

Îsraîlê hefteya borî jî bi nirxê 344 milyon dolaran sîstema berevaniya asmanî ya bi navê ‘dawud’ firotibû Fînlandayê ku nû ketiye nav NATOyê.