Îranê êrîşî partiyên kurdan kir
Hat hînbûn ku Îranê êrîşî baregeha Komala li Geliyê Alana ya Hewlêrê kiriye.
RûpelNews - Endamê Lijneya Komalê Emced Huseyîn Penahî ragihand ku baregeha rêxistinê li Geliyê Alana ya Hewlêrê ji aliyê Îranê ve hatiye bombebarankirin.
Penahî di daxuyaniyekê de li ser hesabê xwe yê medyaya civakî diyar kir ku êrîş îro piştî nîvro pêk hatiye û got, "Sê mûşek li baregeha me hatin avêtin. Bi şensî, ti qurbanî an birîndar tune bûn, lê avahiyên me zirara madî dîtin."
Penahî destnîşan kir ku di demên dawî de çalakiyên leşkerî li herêmê zêde bûne, ev yek nîşan dide ku zext zêde dibe.
Li gorî agahiyên hatine bidestxistin, herêma derdora navçeya Koye ya Hewlêrê û Kampa Surdaş a li Silêmaniyê jî di vê mehê de rastî êrîşên bi vî rengî hatine.
