Îranê êrîşa moşekî ya ‘tolhildanê’ da destpêkirin: Li Tel Avîvê zengilan lêdan
Hate ragihandin ku piştî êrîşên tolhildanê yên ku ji aliyê Îranê ve hatin kirin, careke din li deverên navendî yên Îsraîlê, bi taybetî li Tel Avîvê zengilên hişyarkirinê lêdan. Artêşa Îsraîlê ragihand ku moşek ji Îranê hatine avêtin û sîstemên parastina hewayî hewl didin van êrîşan têk bibin.
RûpelNews - Çavkaniyên li herêmê ragihandin ku li esmanên Tel Avîvê herî kêm mûşekek ku gelek serikên şerî hildigirt hatiye dîtin û teqînên bihêz hatine bihîstin.
Îran: Tola Larîcanî ye
Pasdarên Îranê ragihand ku êrîş wek tolhildana kuştina Elî Larîcanî hatiye kirin. Di daxuyaniyê de hat gotin ku Tel Avîv bi mûşekên pirserî yên Hurremşehr-4, Qadîr, Emad û Hayberşeken hatiye armankirin.
Rewşa qurbanî û zirar û ziyanê
Çapemeniya Îsraîlê ragihandibû ku li Ramat Gan ya nêzîkî Tel Avîvê, di encama êrîşeke pir-moşekî ya ji aliyê Îranê ve hatibû destpêkirin de, du kesan canê xwe ji dest dan. Hat ragihandin ku li bajarê Holonê, perçeyek moşekê ketiye, û bûye sedema zirara madî.
Di daxuyaniyeke ku ji aliyê servîsa hawarçûnê ya Îsraîlê ve hat weşandin de, hat destnîşankirin ku tîm ji bo herêmên ku agahî lê hatine wergirtin hatine şandin, li gorî nirxandinên destpêkê tu birîndar nehatine tespîtkirin, û rewş tê şopandin.
