Îranê bi mûşekan êrişî Îsraîlê kir: 'Bersivek kujdar dê hebe'
Artêşa Îsraîlê ragihand ku ji axa Îranê ve gelek mûşek ber bi Îsraîlê ve hatine avêtin.
RûpelNews - Artêşa Îsraîlê di daxuyaniya fermî de ragihand ku sîstemên parastina asmanî yên Îsraîlê niha mijûlî bersivdayîn û têkbirina wan mûşekan in.
Artêşa Îsraîlê di daxuyaniyê de ragihand ku Îranê hejmarek mûşek arasteyî welatê wan kiriye û sîstemên parastina asmanî yên li bakurê welat çalak bûne.
Îranê hişyariyek tund da Îsraîlê: "Bersivek kujdar dê hebe"
Fermandariya Navendî ya Xatam al-Anbiya ya Îranê ragihand ku eger Îsraîl êrişên xwe yên li ser Libnanê û herêma Zahiye zêde bike, dê rastî bersivek "kujdar û poşmaneker" were.
Di daxuyaniyê de hat diyarkirin ku êrişên Îsraîlê yên li dijî xaka Libnanê "pêşêlkirina xetên sor" e û hat gotin: "Eger ev êrişên bi vî rengî berdewam bikin, Îsraîl dê rastî bersivek tund û poşmaneker were."
"Êriş bi îcazeta Amerîkayê tên kirin"
Fermandariya Îranî Îsraîl bi "tawanên şer" tawanbar kir û ev nirxandin kir: "Rejîma Siyonîst bi bikaranîna çekên qedexekirî û bombeyên fosforê li dijî gelê Libnanê kiryarên nemirovane dimeşîne. Van êrişên hovane, ligel bêdengiya civaka navdewletî, bi 'îcazeta' Amerîkayê tên kirin."
