Îranê 3 welatiyên Belûcî bidarve kir

PeyamaKurd -  Hat ragihandin ku li parêzgeha Sîstan û Belûcistan ya Îranê 3 kes hatin bidarvekirin.

Medyaya Îranê ragihandiye ku îro 3yê Çile danê sibê 3 welatiyên Belûc li bajarê Zahidanê (navenda parêzgeha Sîstan û Belûcistanê) hatin bidarvekirin.

Hatiye diyarkirin ku du kes bi hinceta beşdarbûna “çalakiyên terorîstî” û kesê din jî ji ber kuştina kesekî hatine bidarvekirin.

Hat eşkerekirin ku navên kesên hatine bidarvekirin; Hesen Dêhvarî, Ilyas Qelenderzehî û Umîd Mehmûdzehî ne.