Rejîma Îranê 7 welatiyên Belûçî bidarve kir

PeyamaKurd – Hat ragihandin ku bi biryara dadgehên rejîma Îranê 20ê Tebaxê roja Şemiyê 7 welatiyên Belûçî bi tohmetên cuda hatin bidarvekirin.

Li gorî çavkaniyên rêxistinên çalakvanên Belûçistanê, bi tawana kuştina bi zanebûn û kirînûfirotina madeyên hişber 7 kesên li parêzgeha Sîstan û Belûçistanê hatibûn girtin, hatin darvekirin.

Hat zanîn ku ew 7 kes li girtîgehên bajarên “Zahidan, Îranşar, Zabul û Serawan” hatine bidarvekirin û 2 kesên din jî bo bicihkirina cezayê îdamê birine odeyên takekesî li girtîgeha bajarê Zabulê.

Ji sala 2021ê ve 314 kes di girtîgehên rejîma Îranê de hatine bidarvekirin ku piraniya wan Kurd û Belûç in.