Îran: Ji bo her kesê ku leşkerên amerîkî bigire an bikuje 30 hezar dolar
Îranê ragihand ku dê xelatek bi qasî 30 hezar dolarî ji bo welatiyên Îranê yên ku leşkerên amerîkî yên êrîşî axa Îranê dikin bigirin an bikujin, were pêşkêşkirin. Hatemî her wiha got ku jinên ku çalakiyên wiha pêk bînin dê du qatê vê xelatê werbigirin.
RûpelNews - Fermandarê Giştî yê Hêzên Çekdar ên Îranê General Habîbullah Hetemî destpêkirina pîlaneke nû ya xelatê ji bo leşkerên amerîkî yên ku êrîşî axa Îranê dikin, ragihand.
Li gorî Ajansa Nûçeyan a Mehr, Hetemî di axaftineke xwe de ku di merasîmekê de li Îranê ji bo pîrozkirina 'Roja Rojnamevanan' pêk hatibû, got ku pîlana xelatê dê bi beşdariya gel were fînansekirin û cîbicîkirin.
Xelat 30 hezar dolar e
Hatemî diyar kir ku welatiyekî Îranî yê ku leşkerekî amerîkî yê ku êrîşî axa Îranê dike bigire an bikuje, dê 30 hezar dolar xelat were dayîn.
Hatemî got, "Eger welatiyekî îranî leşkerekî amerîkî yê ku êrîşî axa me dike bigire an bikuje, ew ê li ser navê gelê Îranê 30 hezar dolar xelat werbigire."
Ji bo jinan dê mîqdar du qat be
Hatemî her wiha ragihand ku mîqdara xelatê ji bo jinên ku heman kiryarê bikin dê du qat be.
Li gorî vê yekê, xelata ku ji bo mêran 30 hezar dolar hatiye danîn, dê ji bo jinan 60 hezar dolar be.
Hatemî derbarê sedema danîna mîqdareke cuda ji bo jinan de ti hûrgilî neda.
