IMF 500 milyon dolarê Afganistanê ji Talîbanê re cemidand

PeyamaKurd – Fonda Navdewletî ya Diravan (IMF) piştî ku Amerîkayê biryar da Talîban nikaribe xwe bigihîne pereyên Afganistanê, cemidandina 500 milyon dolarên Afganistanê bo Talîbanê ragihand.

Xezîneya Amerîkayê jî beriya niha xwegihandina pereyên Afganistanê yên li Amerîkayê ji Talîbanê re asteng kiribû.

IMFê jî piştî vê biryarê, biryara cemidandina 500 milyon dolarên Afganistanê bo Talîbanê ragihand.

Hêjayî bibîrxistinê ye, tenê li Amerîkayê li gorî daneyên meha Nîsanê 9,5 milyar dolarên hikûmeta Afgan di hesabên bankên Amerîkî de hebûn.