Îlham Ehmed: Xeterî hêj derbas nebûye
Hevseroka Têkiliyên Derve ya Rêveberiya Xweser a Rojava ( Bakur û Rojhilatê Sûriyê) Îlham Ehmed, li ser pêşketinên herêmê nirxandinên girîng kir. Ehmed bal kişand ku tevî şertên agirbestê yên heyî jî, xeter bi temamî nehatîye rakirin.
RûpelNews - Di axaftina xwe de, Ehmed bal kişand ser ihtîmala şerê nû û diyar kir ku risk hîn jî hene. Wê got ku nêrîna ku “Her tişt qediya û pêvajoyê temam bû” ne rast e. Ehmed diyar kir ku pêşketinên li qadê hîn jî hêsas in.
“Bangekê tenê jî dikare bibe sedema serhildaneke mezin”
Ehmed bal kişand ser hêsasiya şertên heyî û got ku bûyerek piçûk jî dikare encamên mezin biafirîne. Wê ev rewş bi vê gotinê rave kir: “Bangekê tenê jî dikare bibe sedema serhildaneke mezin.” Ehmed diyar kir ku pêdivî ye pêvajoyê bi baldarî were şopandin û divê alîyên têkildar li dijî provokasyonan hişyar bin.
Armanc agirbesteke domdar û danûstandin e
Di bernameyekê de ku li Ronahî TV hate weşandin, Îlham Ehmed got ku armanca bingehîn a hewldanên wan yên diplomatik ew e ku rê li ber qetilkirinekê bigirin. Wê diyar kir ku peyam û mutabakatên ku hatine imzekirin jî di vê çarçoveyê de tên nirxandin. Li gorî wê, armanc ew e ku agirbesteke domdar were bidestxistin û dû re pêvajoya danûstandinê dest pê bike.
Lê Ehmed bal kişand ku peymanên heyî hîn jî ne garantî ne. Wê got ku pêdivî ye şertên herêmê ji nêz ve bên şopandin. Wê her weha diyar kir ku pêşketinên herêmê dikarin her dem bûyerên nû û şikestinên nû biafirînin û civaka navneteweyî divê berpirsiyariyê bigire.
