Fermandarê CENTCOMê bi Serfermandarê Îsraîlê re civiya

PeyamaKurd – Fermandarê Hêzên Navendî yên Amerîkayê (CENTCOM) General Michael Erik Kurilla li Amerîkayê bi Serfermandarê Îsraîlê Herzî Halewî re civiya.

Di daxuyaniya nivîskî ya CENTCOMê de hat destnîşankirin ku Kurîlla û Halewî di 19ê Sibatê de li navenda CENTCOMê ya li Tampaya eyaleta Florida ya DYAyê hatin cem hev.

Daxuyaniyê got ku aliyan li ser hevkariyên berevaniyê yên "kûr û mayînde" di navbera her du welatan de, û rewşa niha ya Rojhilata Navîn, ji nav wan rawestandina şer li Lubnanê, agirbesta li Xezzeyê û Hûsiyan li Yemenê gotûbêj kirin.