DMM: Tirkiye piştgiriya êrîşên li dijî Îranê nake
Navenda Têkoşîna li Dijî Dezenformasyonê ya Rêveberiya Ragihandinê ya Serokatiya Tirkiyeyê (DMM) diyar kir ku îdiayên ku dibêjin "Tirkiye piştgiriya êrîşên dawî yên li dijî Îranê dike" bi temamî bêbingeh in.
RûpelNews - Derbarê van îdiayan de daxuyaniyek li ser hesabê medyaya civakî yê DMMê hate weşandin.
Di daxuyanî, hat ragihandin ku: "Îdiayên ku li ser hin platformên medyaya civakî belav dibin ku Tirkiye piştgiriyê dide êrîşên dawî yên li dijî Îranê, bi temamî bêbingeh in û dezenformasyon in ku armanca wan xapandina raya giştî ye."
Di dewama daxuyaniyê van agahiyan cih girt:
"Komara Tirkiyeyê destûr nade ku ti hebûneke wê ya hewayî, bejayî an deryayî, tevî qada wê ya hewayî, ji bo armancên operasyonel di berjewendiya ti aliyekî de di ti pevçûn an şerê ku ew ne aliyekî wê be, were bikaranîn. Ev yek ji prensîbên bingehîn ên siyaseta derve û ewlehiya welatê me ye. Mafên serweriya Tirkiyeyê yên li ser ax, bejahî û deryayên wê tekez û bê nîqaş in. Hemû çalakiyên têkildarî herêmên me yên serwer tenê li gorî nirxandinên ewlehiya neteweyî yên Komara Tirkiyeyê û di bin çavdêrî û kontrola dezgehên peywirdar de tên meşandin. Bi tundî şîret li gel tê kirin ku baweriyê bi îdiayên texmînî û bêbingeh neynin û tenê daxuyaniyên ku ji aliyê dezgehên fermî ve tên dayîn li ber çavan bigirin."
