Di vegera betlaneya cejnê de 68 kes mirin, 10 hezar kes birîndar bûn

PeyamaKurd – Hate ragihandin ku piştî bidawîbûna 9 rojên betlaneya Cejna Qurbanê li Tirkiye û bajarên Bakurê Kurdistanê di bûyerên trafîkê de 68 kesan can daye û 9 hezar û 787 kes jî birîndar bûne.

Wezîrê Navxwe yê Tirkiyê Alî Yerlîkaya ragihand, di 8 rojên betlaneya cejnê de 68 mirin û 9 hezar û 787 kes jî birîndar bûn.

Yerlîkaya herwiha da zanîn ku di nav 24 saetên dawî de jî 706 qeza çêbûne, 6 kes mirine û Hezar û 97 kes jî birîndar bûne.