Di ‘şerê Îranê’ de 190 zarokan jiyana xwe ji dest dane

RûpelNews - Daxuyaniyê destnîşan kir ku çalakiya leşkerî ya zêde li herêmê, ligel operasyonên leşkerî yên Amerîka û Îsraîlê yên li dijî Îranê, bandoreke wêranker li ser zarokan kiriye.

Êrîşa li ser dibistanê li Minabê

Li gorî agahiyên ku ji aliyê çavkaniyên herêmî û rayedarên Îranê ve hatine parvekirin, di roja yekem a êrîşan de, dibistaneke seretayî ya keçan li bajarê Minab ê li başûrê Îranê bûye hedef.

Hat ragihandin ku di êrîşa li ser dibistanê de, ku navê wê "Şajar-e Tayyîbe" ye, herî kêm 175 xwendekarên di navbera 7 û 12 salî de hatine kuştin. Şahidêhal û hin dezgehên medyayê yên navneteweyî ragihandin ku dibistan li nêzîkî kompleksa leşkerî bû, lê avahî ji bo armancên sivîl dihat bikaranîn.

Tenê li îranê 181 zarok hatin kuştin

Li gorî daneyên UNICEFê, mirinên zarokan tenê bi Îranê sînordar nebûn. Her wiha li herêmên cuda yên ku ji ber pevçûnan zirar dîtine jî qurbanî hatin ragihandin.

Li gorî vê yekê, bi giştî 181 zarokan li Îranê jiyana xwe ji dest dan. Li Lubnanê, di êrîşên hewayî yên ku di 24 saetên dawî de hatin kirin de, heft zarokan jiyana xwe ji dest dan. Li Kuweytê, hat ragihandin ku zarokek di bûyerên girêdayî aloziyên li herêmê de miriye.

UNICEF banga kêmkirina aloziyê dike

Di daxuyaniya xwe de, UNICEF tekez kir ku zarok ne aliyên şer in lê barê herî giran ê encamên pevçûnan hildigirin. Rêxistinê bang li hemû aliyan kir ku dest ji êrişên leşkerî berdin û sivîlan biparêzin, û anî bîra wan ku dibistan û zarok divê di bin hiqûqa mirovî ya navneteweyî de werin parastin.