Ehmed Şara û Mazlûm Ebdî civiyan: Di rojev de entegrasyon û zimanê kurdî hebû
RûpelNews - Serokê Sûriyeyê Ehmed Şara û Fermandarê Giştî yê Hêzên Sûriyeya Demokratîk (HSD) Mezlûm Ebdi li Şamê civîneke girîng pêk anîn ku nêzîkî sê saetan dom kir. Di civînê de behsa cîbicîkirina peymana 29ê Çileyê, tevlîkirina HSD û Rêveberiya Xweser a Rojavayê di nava saziyên dewletê de, û statuya perwerdeya bi zimanê kurdî hate kirin.
Li gorî ajansa SANAyê, civîn li Koşka Gel saet di 13:00ê de dest pê kir û nêzîkî sê saetan berdewam kir.
Di daxuyaniyeke piştî civînê de, SANAyê ragihand ku Ehmed Şara pêşwaziya Mezlûm Abdi kiriye; Wezîrê Karên Derve Esad Şeybani û Parêzgarê Dêra Zorê Ziyad al-Ayi Ziyad el-Ayiş jî tê de amade bûne. Di daxuyaniyê de hat destnîşankirin ku civînê mijara "temamkirina cîbicîkirina peymana 29ê Çileyê ya têkildarî HSD û pêvajoya entegrasyona nava saziyên dewletê" li xwe girtiye.
Li gorî agahiyên ku Rûdawê bi dest xistine, Ehmed Şara ji Mezlûm Ebdi xwestiye ku HSD û Rêveberiya Xweser a Rojavayê fesih bikin û pêvajoya tevlîbûna nava saziyên dewletê bilezînin. Mezlûm Ebdi jî, li hemberî vê yekê, ji bo pêşveçûna pêvajoyê daxwaza misogeriî û garantiyên ewlehiyê kiriye.
Di pêvajoya yekbûnê de pêşveçûneke ji sedî 70
Berpirsên Rêveberiya Xweser ku ji bo Rûdawê axivîn, diyar kirin ku di pêvajoya tevlîbûna nava saziyên dewletê de nêzîkî ji sedî 70 pêşveçûn hatiye bidestxistin. Hat ragihandin ku aliyan li ser çarçoveya bingehîn a yekbûnê li hev kirine.
Perwerdeya bi zimanê kurdî di rojevê de
Yek ji mijarên sereke yên ku hatin nîqaşkirin, perwerdeya bi zimanê Kurdî û statuya zimanê kurdî bû.
Li gorî raporan, dema ku HSD û Rêveberiya Xweser daxwaza bicihkirina tam a zimanê kurdî di bernameya perwerdeyê de dikirin, rêveberiya Şamê pêşniyar kir ku zimanê kurdî wekî derseke bijarte an jî wekî derseke taybet a çend saetan di hefteyê de were dayîn. Hate diyarkirin ku danûstandinên di navbera aliyan de derbarê vê mijarê de berdewam in.
Beşdariya asta bilind
Ji bilî Ehmed Şara Mezlûm Ebdî û, Cîgirê Fermandarê Giştî yê HSDê Sîpan Hemo û Hevseroka Beşa Têkiliyên Derve ya Rêveberiya Xweser Îlham Ehmed jî beşdarî civînê bûn.
Di vê navberê de, Wezareta Berevaniyê ya Sûriyeyê berê çarçoveya wê yekê ragihandibû ku hêmanên HSDê dê di nava pêkhateya dewletê de tevlî kîjan yekîneyên leşkerî bibin.
Li gorî agahiyên ku ji aliyê Rûdawê ve hatine ragihandin, amadekarî tên kirin da ku di demeke nêzîk de biryara dawî ya derbarê tevlîkirina Rêveberiya Xweser û HSDê bo nava saziyên dewletê de bi awayekî fermî werin ragihandin.