Rojhilata Navîn
Mezlûm Ebdî û Ehmed Şera li Şamê civiyan
Fermandarê Giştî yê Hêzên Sûriyeya Demokratîk (HSD) Mezlûm Ebdî û Hevseroka Daîreya Têkiliyên Derve ya Rêveberiya Xweser Îlham Ehmed, li Şamê bi Serokomarê Suriyeyê Ehmed Şara re civiyan.
RûpelNews - Li gorî nûçeya ajansa fermî ya Sûriyeyê SANAyê, di civînê de Wezîrê Karên Derve Esed Şeybanî û Nûnerê Serokê Hikûmetê Ziyad Ayîş jî amade bûn.
Armanca sereke ya civînê ew bû ku temamkirina pêvajoya entegrasyona saziyên Rêveberiya Xweser a nav saziyên dewletê de.
Li gorî van agahiyan, her du aliyan li ser rêbazên bipêşxistina hevahengiyê û hevkariyê gotûbêj kiriye.
Her wiha gavên derbarê entegrasyona saziyên îdarî û leşkerî ya di nav saziyên dewleta Sûriyeyê de jî hatine nirxandin.