WHO: Etîyopya nahêle alîkariya mirovî here herêma Tîgrayê

PeyamaKurd – WHO an ku Rêxistina Tenduristiyê ya Dinyayê ragihand ku bi çend caran hukumeta Etîyopyayê nehiştiye alîkariya tendursitiyê here herêma Tîgrayê. WHO yê got ku hukumeta Etîyopyayê rast nabêje û weha got:

“Ji 21 temmûzê heya niha hukumet gelek caran nehiştiye ku ekîpmanên tenduristiyê bigihên herêma Tîgranê.”

WHO yê bi nivîskî ragihand ku dîrektorê wan Tedros Adhanam Ghebreyesus di civîna çapemeniyê ya di 12 ê çileyê de li ser krîzê weha axifiye:

“Îznê nadin ku em alîkariya tenduristî û derman bişînin Tîgranê.”

Dîrektor, di daxwuyaniyê de got ku haya wan ji notaya devkî ya hukumeta Etîyopyayê heye û weha dewam kir:

“WHO, li gor Neteweyên Yekgirtî ji salekî zêdetire ku ji bo alîkariya tenduristiyê bigihê 7 mîlyon mirovên li Tîgranê, wê îzna xwe ya gihandina wê derê ji hukumeta Etîyopyayê bixwaze û dewam bike.

Li herêmên ku şer lê hene, ji bo WHO û civaka navdewletî xwe bigihînê, ewlehiya sîvîlan û temînkirina tenduristiya wan pêwiste. Ev rewşa han li Tîgrayê û bakûrê Etîyopyayê eyniye.”

Hukumeta Etîyopyayê ragihandibû ku ne hukumet astengiyê derdixe lê Cepha Rizgariya Gel ya Tîgrayê TPLF nahêle alîkarî here herêmê.