Wezîrê nû yê Îsraîlê di yekem serdana xwe de diçe Îmaratê

PeyamaKurd – Wezîrê Derve yê nû li Îsraîlê Yaîr Lapid, yekem serdana xwe ya derve bo Îmaratê dike.

Nivîsgeha Wezareta Derve ya Îsraîlê ragihand, Wezîrê Derve yê Îsraîlê Yaîr Lapid di çarçoveya asayîkirina pêwendiyan de, yekem serdana xwe ya derve bo welatê Îmaratê dike.

Wezaretê diyar kir, "Wezîrê Derve Yair Lapid hefteya pêşiya me, wekî yekem wezîrê îsraîlî serdaneke dîrokî ya fermî bo Îmaratê pêk tîne.”

Yair Lapid, di navbera 29-30ê Hezîranê de, serdaneke du rojî bo Îmaratê pêk tîne û ji aliyê Wezîrê Derve yê Îmaratê Şêx Abdullah bin Zayid Al Nahyan ve tê pêşwazîkirin û ezimandin.